Suspek sa Fair Bank massacre nakaeskapo
CEBU, Philippines - Duha ka mga piniriso sa Medellin Bureau of Jail Management and Penology ang nakaeskapo niadtong Huwebes sa buntag human nga matud pa mikatkat sa paril sa maong bilanggoan.
Ang duha ka mga piniriso nga mipuga giila nga sila si Roger Lagahit, 25, kanhi gwardiya nga gikasohan og attempted murder ug si Berly Tudtud, 28, kanhi security guard sa Fair Bank nga mitulis ug mipatay sa iyang tulo ka mga kauban niadtong bag-ong tuig.
Matud pa nga nahibaw-an lang nga naeskapohan ang maong bilanggoan dihang dunay nakasumbong kanila nga dunay nakit-ang duha ka mga tawo nga nanglayat gikan sa paril niini.
Si Insp. Leonilo Gimenez, jail warden sa maong bilanggoan mitug-an sa The Freeman/Banat News nga dunay 18 ka priso nga naka-schedule magpabuwad sa adlaw ug mag-ehersisyo gikan alas- 6:30 hangtud alas 7:30 sa buntag.
“Ang mga inmates na-mix na ‘na apil na ang mga tiguwang tanan…nag-watering ug nag-maintain sa sanitation and cleanliness sa lugar,†matud pang Gimenez.
Nagduda si Gimenez giplanohan gyud og maayo sa duha ang ilang pag-eskapo agi sa maong paril nga dunay barbed wire sa ibabaw gamit lang ang usa ka dos-por-kwatro nga kahoy nga ilang gikatkatan pasaka sa taas.
“Gipasandig nila ang kahoy unya nagtabang-tabang silang duha pasaka which I wonder giuna nila pagsaka before sila nakalayat agi sa luyo unya nanagan and it was the time when they were caught by residents outside the compound,†matud ni Gimenez.
Gikatakdang imbestigaron si JO1 Reynald Hinogin kinsa maoy nagbantay atol sa hitabo. Matud pa nadiskubrehan lang kini dihang nag-headcount na nga wa na ang duha nga gihulagway nilang mga buotan.
Ang BJMP nakig-alayon na sa mga police station sa Medellin, Bogo ug Daanbantayan ingon man sa mga barangay officials pagtabang pag-monitor sa ilang mga dapit aron madakpan pagbalik ang duha ka mga pugante. (/EIM)(BANAT NEWS)
- Latest
