Lalaki gipusil patay sa tejero
CEBU, Philippines - Patay ang usa ka lalaki human kini pusila sa wa mailhing mga tawo pasado alas 4:00 kagahapon sa kaadlawon sa dalan Alviola, sitio Villagonzalo Dos, Barangay Tejero sa dakbayan sa Sugbo.
Ang biktima naila lang sa ngalan nga alyas “Insikâ€, gibana-bana nga 40-50 anyos, daot, nagsul-ob og itom nga t-shirt ug blue nga maong nga pantalon, dunay patik sa iyang dughan, wala nga abaga ug tuo nga kamot ug sa iyang buko-buko.
Base sa imbestigasyon sa Homicide Section nga pipila ka mga tawo nakadungog og tulo ka buto sa alas 4:20 kagahapon sa kaadlawon.
Narekober diha sa Crime Scene Investigation Unit nga gipangulohan ni SPO2 Teodoro Lumanas ang usa ka kabhang sa kalibre .45 diha sa crime scene. Wa pa sab matino kung si kinsa ang maong lalaki base sa nakita sa Banat News may patik kini nga “Joel†sa iyang tuo nga dughan ug may patik pa kini sa iyang walang dughan apan wala kaayo makaklaro kun unsa ang nasulat niini.
Padayon pa ang imbestigasyon sa kapolisan sa pagtino sa motibo sa kamatayon sa biktima sanglit wala may nakakita sa maong hitabo. (BANAT NEWS)
- Latest
