Duha ang graduation sa Talisay College?
CEBU, Philippines - Matag buwan sa Marso o Abril kasagaran ipahigayon ang graduation nga maoy gikahinaman sa mga ginikanan ug mga estudyante.
Apan ang Talisay City College posibleng dunay duha ka graduation rites nga mahitabo kinsa si Dr. Paulus Cañete nga gitudlo ni Mayor Johnny De los Reyes nga maoy presidente na sa TCC ang magpahigayon og graduation rites sa kataposang adlaw niining buwana.
Samtang si TCC acting president Richel Bacaltos giingong magpahigayon ‘sab og laing graduation rites sa buwan sa Abril.
Kagahapon si Konsehal Richard Francis “Choy†Aznar, chairman sa committee on education mihimo’g privilege speech ug mihangyo sa Board of Trustees (BOT) nga mohukom na kung kinsay molingkod nga presidente sa TCC.
Wala pa’y hukom sa korte sa gipasakang reklamo ni Bacaltos aron masulbad na ang problema karon sa tunghaan.
Matud ni Aznar nga ang mga estudyante nga mogradwar ang maapektohan.
Si Aznar miingon nga isip mga lider sa siyudad lantawon unta ang kaayohan sa kadaghanan ug atubangon ang hagit pinaagi sa pagsubay sa balaod. (BANAT NEWS)
- Latest
