^

Halad Pasalamat ni Gullas gidugok sa mga tawo

Brenda Batuto, Mitchelle L. Palaubsanon (The Philippine Star) - January 26, 2014 - 12:00am

CEBU, Philippines - Isip pasalamat ngadto sa Kahitas-an sa mga grasyang nadawat ug kapiskay sa panglawas, si Dr. Jose “Dodong” Gullas, chairman sa The Freeman mipaambit usab ngadto sa mga kabus pinaagi sa pagpahigayon sa “Halad Pasalamat” diin liboan ka  Sugboanon ang nakapahimulos sa non-medical ug medical services kagahapon.

“ I am so thankful and I am happy nga daghan atong mga kaigsuonan ang nangari. I hope and I pray nga hatagan pa ‘ko og taas nga kinabuhi sa atong Ginoo para mapadayon pa ta ni,” matud ni Gullas kinsa mao usab ang executive vice president sa University of the Visayas.

Ang “Halad Pasalamat” ika-upat na nga tuig karon sa paghatag og mga serbisyo ngadto sa katawhan diin ang week-long kalihukan pahinungod usab kini sa kasaulogan sa birthday ni Gullas kinsa magpangidaron na og 80-anyos sa sunod buwan.

Si Leo Lastimosa, station manager sa DYAB ug columnist sa The Freeman ug Banat News nakaobserba nga matag tuig nagkadaghan ang mga pasyenteng mipahimulos sa mga serbisyo.

Ang ABS-CBN Halad Kapamilya partner kini sa Halad Pasalamat sa paghatag og serbisyo ngadto sa katawhan.

“Mas nidaghan ang ni-avail ug mas nidaghan sad ang mga services nga gihatag karon,” matud ni Lastimosa. Si Rexty Picardo, dean sa UV-College of Nursing ug overall in-charge sa kalihukan niining tuiga mibutyag nga ang Halad Pasalamat karong tuiga mitanyag og 40 ka mga serbisyong medical ug non-medical.

Matud ni Picardo nga gatosan ka mga medical students sa UV ug doktor sa Gullas Medical Center ang miapil sa kalihukan pinaagi sa paghatag og libreng serbisyo. Ang serbisyong medical naglakip sa medical consultation, eye ug dental examinations, blood sugar/ uric acid/ cholesterol screening, deworming, pap smear, ECG, bloodletting, tetanus toxoid vaccine, immunization ug veterinary services nga naglangkob usab sa pagpanuli sa mga iro.Ang non-medical services naglakip sa tupi alang sa mga babaye ug lalaki, reflexology, accupressure, masahe, pagpangayo sa computer ug cellphone, legal consultation,  liquid dishwashing/powdered laundry soap,vaporub/manzanilla ug herbal cough syrup making.

Ang ubang mga ahensiya sa gobiyerno sama sa National Statistic Office (NSO), Home Mutual Development Fund, National Bureau of Investigation, Land Transportation Office, Philippine Health Insurance ug Technical Education and Skills Development Authority ang miapil usab sa kalihukan.

Ang The Freeman Foundation nga gipangulohan sa general manager nga si Melandro Mendoza nagpahigayon usab og “feeding program.”Kagahapon usab, 30 ka estudyante sa UV, faculty members ug non-teaching staff ang nakabenepisyo sa gipahigayong confirmation kinsa ang ilang maninoy ug maninay mao ang magtiayong Dodong ug Nena Gullas. (BANAT NEWS)

ANG THE FREEMAN FOUNDATION BANAT NEWS COLLEGE OF NURSING DODONG GULLAS HALAD PASALAMAT MEDICAL
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with