PRO7 may pahimangno tungod sa kabugnaw sa panahon

CEBU, Philippines - Gimandoan sa regional director sa Police Regional Office 7 ang kapolisan nga mag-alerto sa mga kawatan nga posibling mopahimulos sa katugnaw sa panahon ilabi na sa kagabhion.

Gimandoan na sab ni Constantino ang hepe sa kapolisan sa lalawigan sa Sugbo nga si Sr. Supt. Noel Gillamac nga kinahanglan magpatrolya ang kapolisan ilabi na sa mga dapit nga naapektohan sa grabeng katugnaw.

Sumala pa ni Gillamac posibleng mogara ang mga kawatan kung mahinanok na ang mga tawo tungod sa katugnaw sa kagabhion.

Mipahimangno sab si Constantino sa katawhan nga i-secure og maayo ang ilang mga gamit sa dili pa mangatulog.

Sa laing bahin, bisan sa katugnaw wa maapektahi ang mga recruits sa kapolisan nga naa sa Regional Training School  sa barangay Gaas sa lungsod sa Balamban. 

 Matud ni Constantino nga kinahanglan sab nga maanad ang mga recruits sa pag usab-usab sa kahimtang sa panahon aron maanad sila kun ugaling ma-assign sila sa bugnaw nga dapit.  (BANAT NEWS)