Fetus gibiyaan sud sa kasilyas

CEBU, Philippines - Usa ka pito pa ka buwang fetus napalgan  sa basurahan sa sud sa pansayan sa usa ka dakong department store sa Brgy. Pajo dakbayan sa Lapu-Lapu sa milabay’ng gabii.

Si Rodelia Patosa, cashier sa maong tindahan maoy nakadiskubre niini sa dihang nangasilyas kini. Dali niyang gipahibalo ang gwardiya nga si Dindo Cañete kinsa mao say mitawag sa kapolisan.

Si PO3 Lydo Pinos sa Homicide Section mibanabana nga pito ka bulan na ang maong fetus ug patay na kini. Gidala pa nila kini sa tambalanan apan human gideklarar nga patay na sa mga doktor gidala nila kini sa simbahan ug gibendisyonan ug gidiretso og lubong sa sam-ang sa Humayhumay. Gisusi pa sa kapolisan kung kinsa ang way puangod nga inahan nga mibiya sa iyang anak sud sa maong pansayan. (BANAT NEWS)