Sobra katunga sa mga napiling ABC president sa kalungsoran sa Sugbu pulos mga incumbent

CEBU, Philippines - Sobra sa katunga sa mga presidente sa Liga ng mga Barangay tibuok probinsiya sa Sugbo ang nasublian sa katungdanan sa niaging eleksiyon niadtong Lunes.

Sa 51 ka syudad ug lungsod gawas sa dakbayan sa Sugbo ug Lapu-Lapu nga mga highly urbanized cities, 31 ang nasublian sa katungdanan samtang 20 ang bag-ong napili.

Unom kanila mga bise presidente sa liga ug nahimong presidente sugod niadtong Hulyo isip hulip sa ilang kanhi presidente kinsa napili sa laing posisyon sama sa bise-mayor ug konsehal sa eleksiyon niadtong Mayo.

Ang mga nasublian sa pagka-presidente sa Liga mao sila si Alfonso Donaire IV sa San Fernando, Mercedita Apura sa dakbayan sa Carcar, Arnelito Rubin sa Argao, Eriberto Bentazal sa Dalaguete, Emerito Calderon sa Samboan, Carlita Jomuad sa Ginatilan, Lito Narciso Creus III sa Malabuyoc.

Roberto Librando Sr. sa Badian, Susana Nuevo sa Moalboal, Antonio Garcia sa Dumanjug, Rogelio Dealagdon sa Aloguinsan, Lourdes Balili sa Asturias, Bernabe Gonzales Jr. sa Balamban, Edgardo Aguilar sa dakbayan sa Toledo.

Jose Ribomapil Holganza Jr. sa Bantayan, Rex Novabos sa Daanbantayan, Leonardo Montilla sa Medellin, Rolando Villacarlos sa Sta. Fe, Teresita Lechido sa Tabogon, Vicente Laping Sr. sa Carmen, Joven Amor sa Compostela, Dina Rama sa Poro, Ernie Manatad sa dakbayan sa Mandaue, Marilou Casul sa Consolacion ug Celedonio Sitoy sa Cordova.

Ang unom nga kanhi mga bise-presidente mao sila si Aurelio Alinsonorin sa dakbayan sa Naga, Joseph Redula sa Alegria, Nelson Gingoyon sa Barili, Juanito Cantero sa Liloan, Crispin Retiza Jr. sa Sogod ug Noel Sano sa Tudela.

Ang mga bag-o mao sila si Raul Cabañero sa dakbayan sa Talisay, Clifford Cabiles sa Minglanilla, Daniel Sarnillo sa Sibonga, Violeta Sestoso sa Alcoy, Ariston Vequizo Jr. sa Boljoon, Milagros Postrano sa Oslob, Felicisimo Tano sa Santander, Joseph Redula sa Alegria kinsa nakaalagad na kanhi isip presidenti.

Aquim Nasibog sa Alcantara, Bibiano Cabaron sa Ronda, Michael Sabagala sa Pinamungajan, Wilfredo Diamante sa Tuburan, Celestino Martinez III sa dakbayan sa Bogo, Jay River dela Fuentes sa Madridejos, Antonio Villamor sa San Remegio, Renerio Oca sa Tabuelan, Richard Antigua sa Borbon, Andres Arche Jr. sa Catmon kinsa kanhi usab presidente sa Liga.

Thomas Mark Durano sa dakbayan sa Danao, Amalia Salinas sa Pilar ug Nerisa Arquillano sa San Francisco.

Silang tanan molingkod na isip konsehal sa ilang syudad ug lungsod samtang karong Disyembre 18, magpili sila og presidenti sa Liga sa tibuok probinsiya sa Sugbo nga kasamtangang gigunitan ni Holganza isip sakop sa hunta probinsiyal. (BANAT NEWS)