59 ka polis sa Northern Cebu apil sa nabiktima ni Yolanda
CEBU, Philippines - Ang Police Regional Office-7 nitaho nga adunay 59 ka mga pulis nga nagpuyo sa Amihanang Sugbo ang direkta nga nabiktima sa bagyong Yolanda.
Matud pa ni PRO-7 regional director Chief Supt. Danilo Constantino nga nag-raised sila og hinabang nga cash alang sa mga pulis nga direktang biktima sa maong bagyo.
“Some of our friends contributed in the form of cash, and we gave them to our personnel whose houses were damaged,†matud pa ni Constantino sa gipahigayon nga press briefing sa Philippine Information Agency-7.
Sa laing bahin, matud pa ni Constantino, nga ang mga tinugyanan sa balaod sa Cebu Province alerto sa mga nieskapo nga mga piniriso gikan sa Tacloban City nga posible naa diri sa Cebu.
Gimanduan usab ni Constantino ang mga police chiefs sa Lapu-Lapu ug Cebu nga moapil sa pag-process sa mga evacuees nga mangari dinhi kay adunay posibilidad nga ang mga nieskapo nakigdungan sa mga evacuees. (BANAT NEWS)
- Latest
