Sinkhole nadiskubrehan sa Ronda human sa bagyo

CEBU, Philippines - Usa ka sinkhole ang nadiskubrehan sa lungsod sa Ronda sa mga residente sa barangay Palanas kagahapon sa alas 6:00 sa buntag. Si PO1 Josephus Diana nga nahinabi sa Banat News miingon nga ang sinkhole may giladmon nga napulo ka tiil ug may gilapdon nga 21 square meters.

Sumala pa ni Diana nga ang maong sinkhole nakit-an sa mga residente sa barangay Palanas kagahapon sa alas 6:00 sa buntag.

Usa ka lanog nga buto ang nadunggan sa mga residente duol sa maong sinkhole sa miaging gabii apan wala lang nila kini panumbalinga. Sumala ni Diana nga nianang pagkabuntag na ilang gisusi ang lugar nga nahimutangan sa maong sinkhole dunay sulod kini nga tubig nga napundo salin sa bagyong Yolanda.  (BANAT NEWS)