Mga pildero nag-rally atubangan sa city hall
CEBU, Philippines - Kapin sa usa ka gatos ka dumadapig sa napilde nga kandidato pagka kapitan sa Barangay Pasil nag-rally atubangan sa opisina ni Mayor Michael Rama kagahapon.
Ang mga dumadapig ni Francisco “Amo†De Gracia nagpatabang ni Mayor Michael Rama nga himoan og lakang ang gihulagway nila nga pagpanikas sa ilang kontra mao nga midaug si Julius Guio-guio pagka kapitan. Si De Gracia maoy kaalyado ni Mayor Rama samtang si Guio-guio gihulagway usab nga dumadapig sa Bando Osmeña Pundok-Kauswagan (BOPK).
Ang mga tawo nga nag-rally sa City Hall nga nagdala’g mga placards mipasangil nga daghan kaayo nga mga tawo nga dili lumulopyo sa Pasil apan giparehestro sa ilang barangay aron mobotar ni Guio-guio.
Wala hinoon sila makatubag dihang gipangutana sa Banat News kun ngano nga wala nila kini protestahi pinaagi sa pag-awhag og Exclusion Proceedings human sa adlaw sa pagpangrehistro. – (BANAT NEWS)
- Latest
