P300 mil danyos sa sunog sa Lapulapu

CEBU, Philippines - Usa ka balay ang naugdaw sa Brgy. Babag dakbayan sa Lapulapu sa milabay’ng hapon.

Ang nasunog mao ang panimalay ni Grace ug Jobert Sta. Maria sa Villa del Rio subdivision sa Brgy. Babag dakbayan sa Lapulapu.

Matod pa ni FO3 Climaco Salisid sa Lapulapu City Fire department posibleng electrical short circuit ang hinungdan sa maong sunog  tungod sa mi-overheat nga outlet sa aircon sa lawak sa magtiayong Sta. Maria.

Walay nasamdan ug naangol sa maong sunog nga gipaubos sa  2nd alarm.

Nadawat sa kabomberohan ang alarma mga alas 5:45 sa milabay’ng hapon diin nakontrolar sud sa 4- minutos ug mokabat sa 300 mil ka pesos ang danyos. (BANAT NEWS)