Mga sakop ni Mayor Rama di patambungon sa public hearing
CEBU, Philippines - Dili tugotan ni Mayor Michael Rama ang iyang mga executive officials nga makaatubang sa mga konsehal karong buntag kun sila ipatawag atol sa public hearing bahin sa kwarta sa dakbayan.
Ang public hearing nga gikatakdang ipahigayon karong buntag sa pagsugod sa sesyon gitumong unta aron tukion sa mga konsehal ang sitwasyon sa panudlanan sa dakbayan sa Sugbo.
Ang public hearing may labot kini sa report sa Commission on Audit (COA) nga kaniadtong Disyembre 31, “overdraft†ang dakbayan bali og P965 milyones.
Nagpasabot kini nga ang bayranan sa dakbayan sobra kay sa iyang kwarta nga anaa sa panudlanan nga sobra’g gamay sa usa ka bilyon ka pesos, apan ang iyang bayranan miabot usab og kapin sa P1.9 Bilyones.
Ang opisina ni Konsehal Margarita “Margot†Osmeña buot nga paatubangon sa public hearing ang city treasurer, budget officer, city accountant ingon man giapil pa gani nila pag-imbitar ang city resident auditor.
Si Mayor Rama miingon nga mosugot siya nga moatubang sa mga konsehal ang iyang mga executive official apan dili sa public hearing kun dili anha lang sa executive session diin walay lain gawas nila nga mga opisyal ang magtigom. (BANAT NEWS)
- Latest
