Romana milingkod na sa CCPO

CEBU, Philippines - Bag-ong hepe sa Cebu City Police Office nga si Sr. Supt. Noli Romana misaad nga panggukdon ang illegal nga sugal, illegal nga drugas ug ang mga hiwing mga polis.

Atol sa speech ni Romana iyang giklaro nga walay personal nga interest ang iyang paglingkod isip director sa CCPO.

Matod pa ni Romana nga iyang gamiton ang iyang nakamahoan ug kasinatian sa pag-imbestigar ug pagsulbad sa mga kaso ilabi na sa kapolisang pariwara.

“Let me speak for the record: I did not come here for any vested personal interest,” matud pang Romana.

Giangkon ni Romana mas bug-at ang pressure nga iyang gibati karon tungod sa mga kritisismo nga gibato nganha kaniya ug napilo kini sa makadaghang higayon tungod kay taas kaayo ang expectation kaniya sa mga Sugboanon.

“Let this be a stern warning. I’ll use my experience in intelligence and investigation to make sure that cases are filed and dismissal from service will be guaranteed. This will be relentless effort from here on,” bahad pang Romana sa mga magpabadlong nga mga polis.

Plano ni Romana nga hingusgan ang “Police sa Barangay” ug ang pagpahigayon og regular nga trainings sa mga law enforcers.

“Let’s not falter and put strength to each other,” awhag pa ni Romana sa mga kaubanan diha sa CCPO. Matud niya nga iyang damgo nga mamahimong usa ka police chief sud na sa 29 ka tuig niyang pagserbisyo ug mao pa kini ang labing unang higayon nga nakatamak siya sa Cebu City. Samtang gipadayag usab ni Romana nga  ang pagsumpo sa mga illegal nga buhat usa sa iyang tutukan pagmaayo sukwahi sa nahitabo kaniya nga narelibo human wala makauyon sa pakyas niining pagsumpo sa illegal nga sugal.

Ang kampanyang hingusgan ni Romana pinasubay kini sa kamandoan sa bag-ong Regional Police Director nga si Chief Insp. Danilo Constantino. Samtang si Sr. Supt. Mariano Natuel Jr. nagpasalamat sa mga tawong misalig  kaniya atol sa iyang alimuot nga paglingkod sa CCPO. Nanghinaot si Natuel nga ipadayon ni Romana ang napakgang niyang mga plano alang sa kalamboan sa kapolisan ug katilingban.  (/EIM) (BANAT NEWS)