MJ plantation gilarot sa kapolisan sa Badian
CEBU, Philippines - Liboan ka mga fully grown marijuana plants wa pay labot sa mga bag-ong tanom ang nalarot sa kapulisan sa usa ka dakong plantasyon sa marijuana nga nadiskubrehan sa bukirang bahin sa Sityo Law-ang barangay Basyaw sa lungsod sa Badian kagahapon sa alas 6:30 sa buntag.
Ang hepe sa Badian Police nga si Insp. Edgar Labe maoy nangulo sa operasyon nga miresulta sa pagkalarot sa gibanabanang dos mil ka fully grown marijuana plants ug laing kapin 700 ka mga bag-ong tanom niini. Gitataw ni Labe nga duha ka semana nilang gi-surveillance ang lugar human makadawat sila og report gikan sa ilang impormante bahin sa maong plantasyon.
Gitug-an ni Insp. Labe nga lisod dumdumon ang lugar tungod sa kalisod sa agianan niini gawas nga bukid kaayo moagi pa og pangpang unya sa ibabaw nga bahin kini gitanom.
Ang barangay Basyaw maoy usa sa mga lugar sa Badian nga gidungog nga naghitak ang plantasyon sa marijuana. (BANAT NEWS)
- Latest
