Natuel girelibohan na pagka CCPO director
CEBU, Philippines - Andam biyaan ni Cebu City Police Office Director, Sr. Supt. Mariano Natuel Jr. ang pwesto karong gipahibalo siya sa Police Regional Office nga girelibohan na siya sa pwesto.
Matud pa nga kutob na lang sa Agosto 1 ning tuiga si Natuel, apan ang opisyal miingon basin mas masayo-sayo pa ug ang agdon mao ang pagbalik ni Mayor Michael Rama gikan sa nasud sa Japan. Kagahapon sa buntag nakadawat og order si Natuel nga
‘effective immediately’ narelibohan siya sa katungdanan ug wala pa usab siya masayod kun asa siya ibutang.
Hinuon giangkon ni Natuel nga ‘challenging’ kaniya ang pagkahimong acting hangtud nga nahimog official director sa CCPO sulod lang sa pipila ka bulan tungod kay milampos ang CCPO sa Sinulog, Semana Santa, 2013 Elections, ug pagsulbad sa mga dagkong kaso.
Giingong si Sr. Supt. Noli Romana gyud nga maoy girekomendar ni Rama maoy mohulip kang Natuel ug nanghinaot ang naulahi nga ipadayon niini ang iyang mga nasugdang proyekto.
Ang hepe sa kapolisan sa Central Visayas, Chief Supt. Generoso Cerbo Jr. mipadayag nga sa Agosto 1 ipahigayon ang turn-over ceremony. Si acting Cebu City Mayor Edgardo Labella nagkanayon nga angay’ng pamatud-an ni Romana nga dili siya protektor sa mga illegal nga sugal pinaagi sa paghimo og paspas nga kampanya.
Si Romana gipatangtang ni kanhi Police Regional Office (PRO)-7 director Marcelo Garbo isip provincial direktor sa kapolisan sa Negros Oriental kay wala kini gihimo sa mikuyanap nga illegal nga sugal sa iyang teritoryo.
Bisan pa sa mao nga bati nga report ngadto ni Romana apan siya gihapon ang gipili sa mayor subay sa gilatid sa Republic Act 8551 isip maoy gihatagan og “control and supervision†sa kampanya batok sa illegal nga sugal sa tagsa-tagsa nila ka dapit. ( Lesley Caminade-Vestil ug Rene Borromeo/EIM) (BANAT NEWS)
- Latest
