Nanukmag sa huwes gidayona’g kiha
CEBU, Philippines - Gipasakaan na’g kasong kriminal sa miaging adlaw si Charlie Alburo nga gireklamong nanukmag og huwes niadtong Domingo sa buntag diha sa gawas nga bahin sa Sacred Heart Parish sa Cebu City Prosecutor’s Office.
Ang Parian Police mipasaka og kasong attempted murder batok ni Alburo, 40, nga taga Cabreros St., Barangay Basak-Pardo.
Wala na mosupak pa si Alburo dihang gipailawom sa inquest proceedings ug gi-waive niya ang katungod nga makapailawom sa preliminary investigation tungod kay iyaha na lang atubangon ang iyang kaso didto sa korte.
Mahimo ra hinuong makapiyansa alang sa temporaryo niyang kagawasan si Alburo.
Si Fiscal Rogelio del Prado miingon nga P40,000 ang piyansa aron temporaryong makagawas sa prisohan si Alburo.
Si Alburo gipasanginlan ni Judge Mario Trinidad sa Regional Trial Court Branch 61 sa Bogo City nga nanumbag kaniya.
Giingong nasuko si Alburo kinsa hubog niadtong tungora nga wala tuguti sa huwes putlon ang kahoy diha sa luyong bahin sa balay sa naulahi. (BANAT NEWS)
- Latest