PUJ driver gipusil patay

CEBU, Philippines - Patay ang usa ka jeepney driver human usab kini gipusil sa ulo diha sa Villa Bulsita barangay Bulacao Pardo samtang nagduwa og computer.

Ang biktima nailhan nga si Alberto Rosa,  lumad nga taga Malaybalay, Bukidnon.

Ang tag-iya sa computeran nga si Dindo Bato-bato mitug-an nga nakadungog lang sila og buto sa armas ug sa ilang pagsusi nagbuy-od na ang biktima, usa ka lalaki ang nakit-an nilang nidagan padulong sa sudlonong bahin sa lugar. Gisusi pa unsay posibleng motibo sa maong pagpatay.

Pasado alas-3 sa miaging hapon sa mao gihapong adlaw, usa ka Levi Tiongco alyas Tata, 32, nga dili pa lang dugay nga nakagawas sa Cebu City Jail tungod sa kasong illegal nga drugas ang gipaulanan og bala diha sa Tres De Abril barangay San Nicolas Proper.

Ang biktima nakaangkon og samad pinusilan sa nagkadaiyang parte sa likod nga bahin sa iyang lawas.

Kauban sa biktima ang iyang kapuyo nga si Regelita ug nagpaabot og taksi dihang gipusil sa usa ka lalaki. Nakuha sa crime scene mao ang duha ka kabhang sa kalibre .45, gisubay pa kung unsay motibo sa maong krimen.(/EIM)  (BANAT NEWS)