Timekeeper nasakmita’g armas priso
CEBU, Philippines - Natanggong sa Talisay City detention cell ang usa ka 38-anyos nga timekeeper sa usa ka apartment diha sa sitio Kimba, barangay San Roque, dakbayan sa Talisay human kini gireklamong nagpabuto ug naimbargohan og pusil niadtong Martes sa gabii diha sa nahisgutang barangay.
Ang suspetsado mao si Roldan Teves alyas “Tataâ€, residente sa maong dapit nasikop sa grupo nila ni S/Insp. Samuel Romanillos.
Ang suspetsado kinsa giingong hubog naabtan kini sa mga polis nga nakig-inom sa iyang mga higala ug naaktohan usab nga naghupot sa usa ka kalibre .357 nga dunay upat ka mga buhing bala sa kalibre .38 nga revolver ug usa ka kabhang sa mao gihapong kalibre.
Si PO3 Darwin Gonzales nga uban sa pagresponde mibutyag kagahapon sa Banat News nga usa ka lalaking nagmotorsiklo kinsa miagi sa lugar ang mi-report diha sa barangay kabahin sa usa ka tawong nagpabuto og pusil.
Si Randy Humapao, tanod sa barangay ang mitawag sa Talisay Police Station ug mi-report kabahin sa maong insidente.
Si Teves gisikop sa mga polis human kini pahibaw-a sa nahimo niyang kalapasan.
Si Teves mag-atubang kini og kalapasan sa Comelec gun ban ug illegal possession of firearms. (BANAT NEWS)
- Latest
