Runner sa masiao tiklo
CEBU, Philippines - Nadakpan sa kapolisan ang usa ka gikatahapang runner sa masiao didto sa dalan national sa barangay Guinsay sa dakbayan sa Danao ug nasakmit ang mga tally sheets nga gisulatan na og lainlaing kombinasyon sa numero sa miaging adlaw.
Ang nadakpan giila ni PO1 Wendell Baritua sa kapolisan sa maong dakbayan nga mao si Reyland Manulat Hermoso, 31, nga nagpuyo sa maong dapit.
Matud pa ni PO1 Baritua nga ilang napanid-an ang illegal nga kalihokan sa maong suspetsado kinsa napanid-an nilang kusog kaayo mopadagan sa iyang motorsiklo nga tataw kaayong adunay giapas nga oras.
Ang team nga gipangulohan ni SP03 Jaspher Laurente ug mga kauban maoy nakasigpat sa maong suspetsado nga nagsakay og motorsiklo busa ila kining gipara ug gisita tungod kay ang motorsiklo niini walay plate number.
Dihang girikisa nadiskubrehan nila ang siyam ka tally sheet nga gisulatan na sa mga numero sa illegal sa masiao ug duha ka cellphone busa ila kining gidakop ug gibalhog sa bilanggoan. (BANAT NEWS)
- Latest
