Manag-live in sikop sa buybust sa Talisay
CEBU, Philippines - Nagkadaiyang pakete sa shabu nga mokabat sa P45,000 ang kantidad ang nakuha gikan sa duha ka suspek sa gipahigayong buy-bust operation sa Provincial Anti-Illegal Drugs Operation Task Group adtong Miyerkules sa gabii sa Barangay Tangke, siyudad sa Talisay.
Si Lamberto Nanoy Rivera ug ang kaipon niini nga si Marivic Abala Padigos ang gisikop sa operatiba nga gipahigayon mga alas 8:00 sa gabii.
Ang nakuha mao ang usa ka medium nga pakete sa shabu nga nagkantidad og P500, ang marked money nga P500, duha ka laing medium nga pakete P1000, 70 ka medium packets P300 ang usa, usa ka bulto P20,000 ug rectangular nga butanganan niini.
Ang mga ebidensiya anaa na sa Philippine National Police Crime Laboratory -7 sa Camp Sotero Cabahug alang sa chemical analysis. Ang operatiba mipahigayon og usa ka buwan nga surveillance batok sa mga suspek sa wala pa ang operasyon.
Matud ni Insp. Rogelio Amoroso Jr., team leader sa operasyon, si Rivera maoy ilang ka transaksyon pinaagi sa pagpalit og usa ka medium pack nga hinungdan sa pagkasikop niini, kang Padigos usab nakuha ang ubang shabu.
“Ang nagduwa gyud ani ang laki pero ang na-subject sa among operation si Ebec (Padigos),†matud ni Amoroso.
Ang duha giingong level two nga drug pusher nga makabaligya og P200,000 nga kantidad sa shabu.
Natanggong na karon ang duha sa karsel sa Consolacion Police Station samtang kasong illegal nga paghupot og ginadiling drugas ang ipasaka batok kanila.( /EIM) (BANAT NEWS)
- Latest
