Kagang-kagang mga jeepneys wagtangon
CEBU, Philippines - Gitun-an karon sa Land Transportation Franchising and Regulatory Board ang pag-phase out na unya sa mga jeepneys nga lapas na og kinse ka tuig gikan sa pagkarehistro niini.
"This is still a plan for jeepney kasi other PUV's meron nang specific age as to when sila ma phase-out. Ang jeepney na lang ang wala pa. So, we are studying the age limit, maybe 15 years old," matud pang Jaime Jacob ang chairman sa LTFRB kinsa mitambong sa LTFRB 4th Quarter National Conference dinhi sa Sugbo.
Matud pa niya karong bulan sa Enero sa sunod tuig dunay mga van-for hires o V-Hires nga miabot na og 13 ka tuig ang i-phase out. Sagad kanila nagdagan sa Manila. Si Ahmed Cuizon, LTFRB-7 regional director sa linaing interbyu miingon nga dunay mga V-hires dinhi sa Cebu nga maapil sa maong direktiba apan gamay ra kaayo kay ang mga operators dinhi moilis dayon og bag-ong sakyanan.
"Kay kung ilahang V-hire unit before reaching the age of 13 years old ilaha nang ilisan og bag-o otherwise ma-expired ang ilang franchise. As we all know, there is a moratorium in the issuance of franchise for bus, taxi, v-hire and jeepney," matud pang Cuizon.
Matud pang Jacob nga ang pagbutang og limitasyon sa edad sa mga jeepneys magsiguro sa kaluwasan sa mga pasahero ug drayber.
"Dahil kung masyado nang luma ang sasakyan, chances are marami na siyang sira. So kailangan talagang palitan for the safety of everybody," pasabot pang Jacob.
Sa pagkakaron, ang mga taxi units gitagalan lang og 13 ka tuig samtang 15 ka tuig ang mga bus apan walay limit ang mga jeepneys. (BANAT NEWS)
- Latest
