^

Banat Balita

Sakit nga lymphatic filariasis pabantayan

- Liezl M. Frasno - The Philippine Star

CEBU, Philippines - Ang mga opisyales sa Coalition for the Elimination of Lymphatic Filariasis (CELF) mipasidaan sa publiko batok sa sakit nga lymphatic filariasis busa angay modawat sa libre nga tambal nga abendazole nga ipanghatag sa goberno karong Nobiyembre ning tuiga.

Ang   maong sakit nagikan sa pinaakan sa lamok nga mobilin og itlog nga mahimong bitok nga makamugna og sakit nga pagpanghupong sa nagkalainlaing bahin sa lawas sama sa suso sa babaye, bitiis, nawong , itlog sa lalaki ug uban pang parti sa lawas ug motubo lahi sa naandan.

Sumala pa ni Dr. Jaime Galvez Tan, Chairman sa CELF atol sa nahitabong 4th National Lymphatic Filariasis and Neglected Tropical Diseases Forum didto sa Montebello Villa Hotel sa syudad sa Sugbo sa miaging Huwebes nga ang mga lamok nga nagdala sa sakit sa maong sakit kasagarang nagpuyo sa mga abakahan ug kasagingan.

Si   Tan kinsa usa ka kanhi kalihim sa Department of Health (DOH) midugang nga mikabat na sa 20 milyones ka mga Filipino ang apektado niining maong sakit nga nagagikan sa nagkadaiyang probinsya sa Pilipinas.

Matud pa ni Tan nga ang sakit nga Lymphatic Filariasis walay sintomas o timailhan apan kini mahibaw-an lamang kung ang usa ka tawo magpakonsulta na sa iyang dugo ug anha na hisayri nga may mga bitok diay siya sa lawas.

Matud pa usab ni Assistant Secretary Paulyn Ubial, sa Visayas Cluster for Disease Prevention Control sa DOH nga tumong gayud sa Department of Health (DOH) nga mabatokan aron hingpit nga mawagtang kining maong sakit dinhi sa nasud. Gani migahin   ang kagamhanan og P594 milyones nga pundo alang sa mga tambal nga abendazole nga maoy ipainom niadtong nataptan ug bisan pa niadtong wala pa matapti niining maong sakit.

Dugang pa niya nga ang CELF nanginahanglan gayud og seryusong tabang sa nagkalainlaing sektor sa tuig 2020 hingpit na nga gawasnon ang Pilipinas ning maong sakit.

Sa pagkakaron ang mga lalawigan nga kaniadto gihugpaan niini sa pagkakaron gideklarar na sila nga Lymphatic Filariasis -free nga gilangkuban sa probinsya sa Leyte, Marinduque, Romblon, Sorsogon, Biliran, Compostela Valley, Bukidnon, Dinagat Islands, Agusan del Sur ug Samar.

Matud pa niya nga ang Sorsogon kaniadto maoy labing may daghang kaso sa maong sakit ug ikaduha ang Marinduque.

Hinuon suwerte kaayo nga ang maong sakit wala dinhi sa Sugbo apan iyang giawhag ang mga Sugbuanon nga di mokompiyansa ug motuman gyud sa tambag nga gikan sa kagamhanan.

Sa samang higayon iyang gihagit ang tanan nga modawat ug moinom gayud sa mga tambal nga ipanghatag matag panimalay pinaagi sa mga barangay health workers karong umaabot nga Nobiyembre.

Gipasabot ni Ubial nga ang Abendazole tablet tomaron gayud kausa sa usa ka tuig   sa nag-edad og 2 anyos hangtod 65 anyos aron pagwagtang sa bitok sulod sa lawas. (/WC) (BANAT NEWS)

ASSISTANT SECRETARY PAULYN UBIAL

COMPOSTELA VALLEY

DEPARTMENT OF HEALTH

LYMPHATIC FILARIASIS

MAONG

MATUD

SAKIT

  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with