Coop Pre-Membership Seminar

CEBU, Philippines - Gumikan sa pamahayag ni Mayor Mike Rama nga paningkamotan sa city hall nga mapalig-on ang United Senior Citizens Multi-Purpose Cooperative of Cebu City, Inc., ug iyang ilakip sa budget sa siyudad ang mga plano ug proyekto sa mga senior citizens, naikag na ang mga senior citizens pagpasakop sa kooperatiba.

Ilabina ang tinguha sa mayor nga magbutang og botika sa mga senior citizens, usa sa South District, lain sa North district.

Gumikan niini, gipanghingusgan ang kampanya alang sa dugang pagpasakop, gani gisugdan na usab ang pagpahigayon sa pre-membership seminar. Makita sa hulagwag sa itaas si Lita Lumibaw, secretary sa Seniors Cooperative, usa sa mga resource person sa seminar sa Duljo Fatima. 

Laing pamahayag ni Mayor Rama, atol sa oathtaking sa mga opisyales sa Seniors Cooperative, mao nga ang cash assistance ug ubang mga benepisyo sa mga senior citizens iyang ipanghatag sa tanan sa walay pagpinig, sa walay pagtan-aw sa bulok sa politika. 

Si Mayor Rama namulong atubangan sa mga senior citizens ug sila si Serge Cantones, Lita Lumibaw, Dulce Salazar sa Credit Committee, ug Teresita Delfin, Secretary.  (BANAT NEWS)