Namaliya'g sagol sa dinamita sikop

CEBU, Philippines - Nasikop ang usa ka ginang nga namaligya og mga sagol sa paghimo og dinamita sa Barangay Babag, dakbayan sa Lapulapu atol sa usa ka buybust operation sa kapolisan sa milabay’ng adlaw.

Ang nasikop mao si Delia Bensi, hingkod ug molupyo sa maong lugar. Sa pasiunang imbestigasyon ni SPO3 Jomar Ybañez sa Task Force Kalikasan (TFK) nasuta nga dugay na nilang gipanid-an si Bensi nga namatigayon og material nga igsasagol sa paggama og dinamita aron ibomba sa quarry sa Mactan stone sa maong dapit.

Atol sa buy bust nasakmit sa mga otoridad gikan sa kustodiya ni Bensi ang mga fuse, blasting caps, sulfur ug potasium chloride nga mga ingrediente sa pagpabrika og   dinamita. Gumikan niini gipasakaan dayon nila og kaso si Bensi ngadto sa hukmanan apan nakapiyansa usab dayon kini.

Sumala sa TFK nga wala itugot sa balaod ang pagpamaligya og ingrediente sa paggama og dinamita. (BANATNEWS)