^

Banat Balita

Dugang 300 polis ipakatap

- Rey Pasaporte -

CEBU, Philippines - Dul-an 300 ka mga bag-ong polis ang gipaubos pa sa Field Training Program (FTP) ang gidugang sa Cebu City Police Office (CCPO) ug Cebu Provincial Police Office (CPPO) kagahapong adlawa isip kabahin sa ilang pagpatuman sa hugot nga kahusay’g kalinaw ning nagsingabot nga Pasko ug Bag-ong Tuig.

Si Sr. Supt. Melvin Ramon Buenafe, hepe sa CCPO nagkanayon nga 190 ka FTP ang gidugang kanila sa Police Regional Office-7 nga iyang ibutang sa onse ka mga police stations sa dakbayan.

Iyang gipahimangnuan ang mga bag-ong police nga magmatngon sa ilang trabaho tungod kay nagdala na sila sa imahen sa kapulisan kay mga lehitimo naman silang sakop sa PNP organization.

Gidugang niini nga dako na kaayo og ikatabang sa pagbantay sa kahusay’g kalinaw dinhi sa dakbayan ning panahon sa kapaskuhan hangtud na sa Sinulog sunod buwan ang maong mga polis.

Human sa unom ka buwan nga magpaubos sa FTP ang 190 ibalik sila sa Regional Public Safety Batallion (RPSB) sa lungsod sa Sibonga alang sa ilang PNP scout training.

Si Chief Insp. Romeo Santander, hepe sa City Intelligence Branch (CIB) sa CCPO sa sayo pa mibutyag nga ilang magamit ang bag-ong polis pagbantay sa mga simbahan sa dili pa sugdan ang unang adlaw sa Misa de Gallo karung Biyernes sa kaadlawon.

Samtang si Sr. Supt. Patrocinio Comendador, hepe sa kapulisan sa probinsya nga gitun-an na kung asa ibutang ang dugang 70 ka polis.

Apan sigurohon niyang adto sila mabutang sa mga lungsod nga daghan og nahitabong krimen ug ingon man adunay mga dagkong simbahan. (BANAT NEWS)

CEBU CITY POLICE OFFICE

CEBU PROVINCIAL POLICE OFFICE

CITY INTELLIGENCE BRANCH

FIELD TRAINING PROGRAM

MELVIN RAMON BUENAFE

PATROCINIO COMENDADOR

POLICE REGIONAL OFFICE

REGIONAL PUBLIC SAFETY BATALLION

  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with