Pagpuril sa Nangka gikondenar
- Ni Chester Abadilla () - September 12, 2011 - 12:00am

CEBU, Philippines -  Gikondenar sa Provincial School Board ang gihimo sa principal sa Guimbouangon National High School sa lungsod sa Barili nga mipuril sa 22 ka mga punoan sa nangka nga maoy usa sa buhing mga resulta sa EGwen program sa administrasyon ni Gobernador Gwen Garcia.

Usa ka resolution ang gipasar sa Provincial School Board nga nagkondenar sa pagpamutol ni Jeanette Guzman, ang principal sa Guimbouangon National High School sa 5 anyos nang mga punoan sa nangka.

Matud pa ni Provincial Board member Wilfredo Caminero, nga ang maong resolusyon naghatag og mensahi kang Guzman ug sa uban pang mga principal ug mga magtutudlo nga dili magpasagad og putol og kahoy sa sulod sa ilang school campus.

Samtang si Dr. Oscar Romanillos ang presidente sa Cebu Province School Teacher Association (CPSTA) miingon nga ilang imbistigahon   si Guzman nganong gipamutol niya ang 22 ka mga punoang nangka.

Matud ni Romanillos nga iya usab ipatawag ang mga opisyales sa CPSTA sa tinguha nga moluwat sila og hiniusang baroganan batok sa gibuhat ni Guzman ug sa samang higayon mopadayag og suporta sa mga programa sa gobernador sa pagpananom og nangka sa mga tulonghaan.

Matud pa ni Raymond Branzuela ang Federation president sa Cebu Provincial PTA nga ang nahisgutang principal wala gyud mananghid sa ilang local nga kadagkoan sa PTA didto sa lungsod sa Barili hinungdan nga ila gayud kining   imbistigahon. (BANAT NEWS)

BARILI CEBU PROVINCE SCHOOL TEACHER ASSOCIATION CEBU PROVINCIAL GUIMBOUANGON NATIONAL HIGH SCHOOL GUZMAN MATUD PROVINCIAL SCHOOL BOARD
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with