Aplikante'g trabaho nagdasok sa Mandaue

CEBU, Philippines - Nagdasok karon sa dakbayan sa Mandaue ang nagpangita og kaugalingong panginabuhi ug gustong mosalmot gipasiugdahang Entrepreneurial Development Program (EDP) Skills Training Center sa maong dakbayan.

Si EDP Officer-In-Charge Evangeline Manalili sa iyang pamahayag sa gipahigayong food product exhibit ug cake decorating contest niadtong miaging adlaw iyang gipadayag nga sa nangaging mga panahon ilang namatikdan ang hilabihang pagkunhod sa nagtungha sa Industrial Sewing Machine Operation.

Dugang pa niya nga namatikdan lamang nila ang hilabihang pag-usbaw sa mga tinun-an nga nagtungha sa pagpanahi tungod usab sa nagkakusog nga panginahanglan sa maong matang panarbaho sa gawas sa nasud.

“Kini maoy mga ilhanan sa paglambo sa atong ekonomiya sa nasud tungod kay nagkadaghan man usab ang panginahanglan og trabaho,” pamahayag pa ni Manalili.

Dugang pa niya nga sa kasamtangan nagpadayon sa ilang yangungo panginahanglan og mga trabahante ang Mactan Export Processing Zone, Metro Ware factory, garment factory ug uban pa diin maoy hatagan og unang priority kadtong mga tinun-an nga migradwar sa skills training program sa kagamhanan.

Dugang gitanyag nga kurso Skills Training program sa dakbayan nga gipahimuslan na karon sa pipila ka mga tinun-an nga nagmalampuson sa ilang pagtuon sa skills training.

Matud pa ni Manalili ang mga nag-una sa gidaghanon sa nagtinguha sa pagkat-on sa trabaho nga mahimo nilang kabuhian nga naglakip sa Culinary Arts, Cake Decorating contest, meat processing, Industrial Sewing Machine operating Draprie and Curtain, Automotive, Cemetology, Dress Making, Refrigeration Aircondition ug uban pa.  - BANAT NEWS