^

AFP nang-recruit og mga opisyal

- Edwin Ian Melecio () - October 25, 2010 - 12:00am

CEBU, Philippines - Usa ka halapad nga recruitment sa mga elected nga opisyales sa gobiyerno ang gihimo sa Reserve Corps sa Armed Forces of the Philippines sa tuyo nga mapalapdan ang pundok sa Army reservists sa rehiyon.

Ang kanhi pangulo sa 78th Col. Raymundo Bañares Jr. ug karon mao na’y nangulo sa 701st Civil Defense Center miawhag sa mga sakop sa Mayor’s League of the Philippines(MLP)-Cebu Chapter nga magpasakop sa AFP Reserve Command.

Si Bañares partikular nga miawhag kang Dumanjug Mayor Nelson Garcia kinsa maoy pangulo MLP-Cebu Chapter ug mao usab ang bise presidente sa MLP nga kombinsihon ang ilang mga sakop sa pag-apil.

Naglaraw si Bañares nga mo-organisa og ‘company size’ nga Disaster Risk Reduction and Management Teams (DRRMT) sa matag lungsod uban sa mga sakop sa Office of the Civil Defense ug mga lokal nga opisyal sa mga lugar.

Ang usa ka aplikante o interesadong magpasakop sa Army Reserve gikinahanglang nag-edad og 21-anyos apan dili molapas sa 64-anyos atol sa pagka-appoint niini isip reserve officer.

Kinahanglan usab nga sila Filipino ug makapasar sa physical examination standards nga gihimo sa usa ka awtorisadong AFP hospital o sibilyang hospital, ug ang resulta niini nasusi ug giuyonan sa Major Service Chief Surgeons ug labaw sa tanan kinahanglang gradwado sa kolehiyo o degree holder.

Si Cebu Governor Gwendolyn Garcia usa ka commissioned Army Reservist nga nag-ranggo og Lieutenant Colonel ug mao karo’y Acting Battalion Commander sa 1st Ready Reserve Battalion-Cebu sugod niadtong Septiyembre 1.

Laing mga opisyal sa kalungsoran nga naghupot og mga ranggo isip usa ka reserve officer mao sila si Toledo City Mayor Major Aurelio Espinosa, kanhi Mandaue City Mayor ug karon Board Member Major Thadeo Ouano, kanhi Alcantara mayor Captain Margarito Basilisco ug Alcantar councilor 1lt.Edgar Erojo. (BANATNEWS)

ACTING BATTALION COMMANDER ARMED FORCES OF THE PHILIPPINES ARMY RESERVE ARMY RESERVIST BOARD MEMBER MAJOR THADEO OUANO CAPTAIN MARGARITO BASILISCO CEBU CHAPTER CIVIL DEFENSE CENTER
  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with