Ulitawo nagpusil sa kaugalingon

CEBU, Philippines - Namatay ang usa ka mag-uuma human unaya niini pagpusil ang iyang kaugalingon pinaagi sa kaugalingon niyang pugakhang kansang bala nanusak sa iyang kalawasan didto sa Sitio Pionggot, barangay Tabayag lungsod sa Argao sa milabay’ng udto.

Ang naghikog mao si Juan Camarillo Camanyan, 52, ulitawo, usa ka mag-uuma nga taga Pionggot.

Si PO2 Von Tecson sa Argao Police Station mibutyag sa Banat News nga daan nang namatikdan sa mga kabanay ang biktima nga magpunay lang og hinuktok gumikan sa suliran sa kuwarta

Gituohan sa iyang kabanay nga gumikan sa kuwarta, maoy hinungdan naghikog si Camanyan.

Hinuon gisusi pa sa kapolisan kun wala ba tuyoa sa pagpatay si Camanyan, pinaagi sa pagpaubos niini sa autopsy. – BANAT NEWS