Lalaki naangol kay giluba sa silingan

CEBU, Philippines - Usa ka lalaki naangol dihang gidunggab kini sa iyang silingan didto sa sitio Mohon 2, barangay Tisa, ning dakbayan sa Sugbo sa miaging hapon.

Ang biktima mao si Larry Morilla, 28, nga taga Mohon samtang ang suspetsado nailhan lang sa ngalang Rogelio Jr. alyas Boknoy.

Saysay pa sa biktima nga samtang natulog siya sulod sa ilang balay nahigmata siya dihang gitaupan ang iyang bukobuko sa kutsilyong giduslak kaniya sa suspetsado.

Pagbangon niya nailhan niya ang suspetsado nga paingon na sa pagsibat samtang dali siyang gihatod   sa iyang pamilya ngadto sa Cebu City Medical Center. Padayon pang gipangita sa kapolisan ang suspetsado.  - Lesley Caminade (BANAT NEWS)