17 anyos naglakaw sa dalan giluba

Usa ka 17 anyos nga lalake nadala sa tambalanan human kini lubaa sa wala hiilhing tawo didto sa Sitio Abulo, Cansojong, Talisay City niadtong miaging adlaw.

Ang biktima nailhan nga si Alvin Kasan, kinsa nagpaingon na sa ilang balay gikan sa suroy dihang gidunggab kini sa walay igong hinungdan.

Gidala siya sa Talisay District Hospital, samtang ang nakaluba kaniya misirit usab dayon ug mao kini gipangita sa kapolisan sa maong dakbayan. (BANAT NEWS)