P20 mil nadala's tulisan

Mokabat sa P20 mil ang nakuha sa nag-inusarang tulisan human kini mitulis sa usa ka tindahan sa barangay Dapitan, lungsod sa Cordova sa milabay’ng gabii.

Ang biktima mao si Ephraim Dinoy nga tag-iya sa maong tindahan.

Base sa imbestigasyon ni  SPO1 Luvero  Augosto sa Cordova police  station nasayran nga mga  alas 7 sa milabay’ng gabii samtang nagbantay si Dinoy sa maong tindahan miabot ang usa ka tawo ug nagpakaaron-ingnon nga mopalit og sigarilyo.

Sa dihang nakasulod na sa tindahan ang maong tawo kalit kini mibunot sa usa ka kalibre 38 ug mideklarar nga tulis hinungdan nga nahatag ni Dinoy ang halin sa ilang tindahan balor og P20 mil.Human sa maong pagpanulis dali nga mipahilayo sa maong dapit ang wala mailhing tulisan nga gibanabana nga nagpangidaron og 20 anyos pataas. Sa gipakitang mga hulagway sa mga bangiitang tulisan sa Cordova pakyas kini sa pag-ila sa maong tulisan.(Bong Soriano)