Trak natuwad; 2 namatay
Namatay paglabay sa pipila ka oras sa tambalanan ang usa ka 3 anyos nga batang babaye ingon man ang 36-anyos nga lalaki human malimbuwad ang Fuso Canter Truck niadtong Sabado sa hapon diha sa barangay Cambinucot ug kaghapon lang na-report sa Cebu City Police Office.
Sa report sa Traffic Division sa CCPO ang mga namatay nga si Trixie Perneto ug Semino de Asis, samtang ang nangaangol mao sila si Sonia Llenos, 39, Carlo Perneto, 32, Alison Digor, 27, Eljiera Perneto, 28, kinsa pulos taga dalan Seno sa Mabolo.
Samtang ang drayber sa maong trak giila nga si Adonis Agravante, 45, taga barangay Suba, lungsod sa Bantayan.
Sa imbestigasyon ni PO1 Edgardo Oyog Bacoy sa Traffic Section ang mga biktima pulos mga pasahero sa maong trak sa dihang nalimbuwad kini human mawad-i og kontrol pag-abot sa Cambinucot samtang nagdagan paingon sa Talamban.
Sumala pa sa imbestigasyon nga ang trak nawad-an og kontrol tungod sa naghinobrang karga nga mga scrap metal hinungdan nga maayong pagkabalitok niini sa dalan.
Kini maoy nakaingon sa pagkamatay sa duha ka biktima ingon man pagkaangol sa upat nga nadali usab sa pagdala sa
Kasong multiple physical injuries ug homicide ang gihikay sa mga tinugyanan sa trapiko batok sa drayber nga si Agravante.
Si Julius Apuy, usa sa mga nurse sa North General Hospital nga gikahinabi sa Banat News kagahapon mitug-an nga namatay ang 3 anyos nga batang babaye nga anak nila ni Carlo ug Elvera Perneto, kinsa maoy tag-iya sa trak nga nagpaalim pa karon sa nahisgutang tambalanan.
Matud pa niini nga ang 3-anyos nadat-ogan sa trak hinungdan nga nakaangkon og internal hemorrhage.
Si de Asis nga maoy cutter sa scrap metal nagrabehan sa ulo niini ingon man pagkabali sa duha ka mga tiil ug pagkabali sa dughan.
Samtang ang magtiayon nakaangkon og mga samad sa ilang ulo ug ang bana niini nasamad sa iyang dughan. Hinuon anaa na kini karon sa luwas nga kahimtang.
- Latest
- Trending
