^

Banat Balita

Imperial, Flores maoy mitulis sa MRB

- Bong Soriano -

Nailhan na sa kapolisan sa dakbayan sa Lapulapu ang duha ka mga tulisan nga mitulis sa Mactan Rural Bank nga nahimutang sa Brgy. Basak dakbayan sa Lapulapu sa milabay'ng bulan.

 Matod pa ni PO2 Elmer Canillo sa Theft and Robbery Section sa dakbayan sa Lapulapu human makita ang hulagway ni Doroteo Imperial sa pamantalaan diin maoy gitumbok nga responsable sa pagpanulis sa A1 Financial Services sa Gen. Maxilom Ave. sa milabay'ng adlaw, ang mga empleyado sa Mactan Rural Bank positibong mitumbok usab kang Emperial nga maoy mitulis kanila.

Matod pa sa mga empleyado wala gyud sila malimot sa dagway ni Emperial gumikan kay mao kini ang nagtion kanila atol sa pagpanulis niini niadtong milabay'ng bulan sa Enero petsa 18 tuig 2008.

Matod pa ni PO2 Canillo atol sa ilang pagpakita sa gallery sa mga banggiitang tulisan ngadto sa mga empleyado sa MRB human sa insidente bugtong lamang si Danilo Flores ang ilang natumbok gumikan kay ang hulagway ni  Imperial wala pa kini masulod sa computer hinungdan nga wala kini makita sa mga saksi.

Kahinumduman nga mokabat sa 12.5 milyones ka pesos ang kantidad sa nakuha sa mga tulisan sa MRB human nga duha ka mga tawo nga nagsul-ob og uniporme sa police intern kalit kini nga misud sa maong banko dayong deklarar nga tulis ug milampos sa pagkuha og dako nga kantidad. (Bong Soriano)

BONG SORIANO

DANILO FLORES

DOROTEO IMPERIAL

ELMER CANILLO

EMPERIAL

MACTAN RURAL BANK

MATOD

  • Latest
  • Trending
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with