Mga napiling opisyal sa barangay Disyembre 1 molingkod

Moasumer sa ilang katungdanan ang mga midaog nga mga incumbent ug mga bag-ong Sangguniang Kabataan ug mga barangay opisyal sa Disyembre 1 niining tuiga.

Nunot usab kini sa gipadayag ni Comelec 7  Regional Director Rene Buac  nga mapupos sa Nobiyembre 30  karong tuiga ang  termino sa daan nga mga SK ug mga opisyal sa barangay.

Matud pa niya nga ang mga incumbent nga barangay opisyal nga nasublian sa katungdanan maghupot sa mao nilang katungdanan isip paghatag kanila og bag-ong mandato sa katawhan nga nagpili kanila.

Maghupot kini sa ilang pwesto uban sa mga bag-o nga mga opisyal sulod sa tulo ka tuig.