Daghang massage parlor kuyaw masirad-an: CIIB
Daghan sa mga massage parlor dinhi sa dakbayan sa Sugbu ang namilegrong mapasirad-an ning mosunod nga mga adlaw sa higayon nga mapamatud-an nga gihimo kining front sa prostitusyon.
Mao kini gikasabutan atol sa tigum sa
Gibutyag ni Dr. Rene Josef Bullecer, chairman sa CAIB nga gikasabutan nila nga mopahigayon og subsob nga monitoring ug inspeksiyon sa tanang mga massage parlor dinhi sa dakbayan niining mosunod nga duha ka bulan.
Kini human nakadawat og report ang CAIB nga 20 porsyento sa mokapin 200 ka mga massage parlor dinhi sa dakbayan ang gihimong front sa prostitusyon.
Matud ni Bullecer nga kadtong mga massage parlor nga ilang masakpan nga gihimong front sa prostitusyon ila kining irekomendar ngadto sa kagamhanan sa siyudad sa Sugbu nga pasirad-an sa labing daling panahon.
Giklaro niya nga kadto lang mga massage parlor nga nakatuman sa tanang mga rekisitos ang tugotan nilang makapadayon sa operasyon.
Atol sa himuong inspeksiyon sa mga personnel sa CAIB pangitaan nila og mga rekisitos ang mga tagdumala niini sama sa health card sa mga massage attendant niini ingon man gikinahanglan nga magsul-ob gyud kini og proper attire.
Apil na niini ang pagsusi sa ilang suga nga dili ngitngit nga tan-awon ug ingon man wala makakandado ang mga pultahan niini.
- Latest
- Trending
