Pangangkon ni Sanchez gipakagamay ni Junnie

Inosente pa sa dagan sa politika si bise gobernador Gregorio Sanchez, diha sa ikaupat nga distrito ug sa lalawigan sa Sugbu, hinungdan nga nagpataka nalang kini'g yawit nga lig-on ang ilang kandidato sa pagkakongresista nga si Benhur Salimbangon sa One Cebu Party karong eleksyon sa Mayo.

Kini maoy giluwatang pamahayag ni kanhi kongresista Celestino "Junnie" Martinez, Jr. subay usab sa pagpanaway ni Bise gobernador Sanchez, nga nag-panic na si Martinez ning kandidatura ni Salimbangon batok sa anak niini nga si mayor Celestino "TINING" Martinez III sa lungsod sa Bogo.

Matud ni kanhi kongresista Martinez nga ang tataw nga pagkasulti mihimog illegal ang kampo ni Sanchez nga pagmaniobra sa kandidatura ni Salimbangon gumikan kay aduna silay mga ebidensya nga magpamatuod nga gikuot lang ang registration niini sa Comelec.

Sumala pa niini nga wa lang siguro mahibalo si Sanchez nga gibiyaan si Salimbangon og 100 mil kapin ka boto sa ikaupat nga distrito dihang nakigbangga kini sa iyang asawa nga si kongresista Clavel Asas Martinez niadtong eleksyon sa 1998 hinungdan nga dili maayo nga magsigeg pagawas og samang pamahayag ang bise gobernador miawhag niini nga pasuroyon sa ika-upat nga distrito aron makita ang tinuoray nga sintemento sa katawhan.