Pugante sa CPDRC ania pa sa Sugbu

Si Capitol consultant on security matters Byron Garcia nagtuo nga wala makagawas dinhi sa Sugbu ang usa ka piniriso kinsa nakaikyas gikan sa Cebu Provincial Detention and Rehabilitation Center (CPDRC).

Kahinumduman nga si Gilbert Palang nakaikyas niadtong petsa uno niining buwana.

Si Byron mibutyag nga mohatag sila og reward sa makatudlo sa nahimutangan ni Palang para masikop dayon ang maong pugante ug nagbutang usab sila og mga hulagway niini diha sa mga terminal ug sa mga presinto sa kapolisan.

Apan wala ibutyag ni Byron ang kantidad sa salapi nga ilang ihatag sa makatudlo sa nahimutangan sa nahisgutang pugante.

Si Byron midungag nga duna sila'y bag-ong gihimo nga cat walk ug dugang Mga post perimeter sa CPDRC ug gawas usab niini gidugangan nila ang bultahi sa kuryente nga nagkutay diha sa koral sa prisohan gikan sa 60 volts ngadto na sa 220 volts.