Gikulata, giluba sa managsuon

Usa ka tawo ang dali nga gihatod ngadto sa tambalanan human kini tabangi og kulata ug gidunggab pa gayod sa managsoong lalaki nga iyang silingan sulod sa iyang panimalay sa Cabras Compound, Pajac, Lapu-Lapu.

Ang biktima mao si Gernido Tamboboy 50 anyos, nga nagpuyo sa Cabras Compound sa Lapu-Lapu.

Ang nagdunggab ug nagtinabangay sa pagkulata sa biktima mao sila si Burgos Taghoy Sigurado, 28 anyos, ug Rodel Taghoy Sigurado, 24 anyos, nga pulos ulitawo nga nagpuyo sa maong dapit.

Sa taho ni PO2 William Humoc sa Homicide Section nga nahipos sa Banat News maoy nasayran nga nag-andam sa panihapon ang biktima sa kusina dihang kalit nga gisaka sa mga suspetsado.

Si Rodel maoy giingong mikulata sa biktima ug ang maguwang nga si Burgos maoy midunggab kaniya.

Ang mga barangay tanod sa maong dapit misikop sa managsoon ug ila kining gitahan sa kapolisan.

Dugang pa ni PO2 Humoc nga ang karaang panagbangi sa biktima batok sa managsuon maoy nakaingon sa maong pagpanunggab.