Pagtukod sanitary landfill gitinguha

Tagbilaran City - Gipaluyohan ni Secretary Michael Defensor sa Department of Environment and Natural Resources kon DENR ang tinguha karon sa mga opisyal ning dakbayan ingon man sa silinganan nga mga lungsod nga matukod ang usa ka sanitary landfill.

Si Secretary Defensor mibutyag niini atul sa iyang pagduaw sa dakbayan diin gikahinabi niini ang mga opisyal sa dakbayan og probinsyqa lakip na sa mga kongresista.

Matod pa ni Defensor nga nalipay kaayo siya sa gipakita nga pagpakabana sa mga opisyal lokal ning dakbayan.

Lain usab niya nga gipasalamatan mao si Gobernador Erico Aumentado ingon man si Kongresista Edgar Chatto.

Nahibaw-an nga sila si Aumentado og Chatto naningkamot karon nga matukod gayud ang usa ka sanitary landfill nga magserbisyo sa mga silinganan nga lungsod.

Kadaghanan sa mga opisyal lokal sa probinsya nabalaka sa kakulang sa lugar diin anha nila ilabay ang ilang basura.