Miabag sa kampanya sa BFAR gipasidunggan

CEBU, Philippines - Ang Bureau of Fisheries and Aquatic Resources (BFAR) 7 ug ang Department of Agriculture (DA)7  mihatag og  pasidungog   sa mga indibidwal, mga grupo ug local government units (LGU) kinsa nakatampo  sa kampanya  bahin  sa maayong pag-atiman  sa mga isda  sa kadagatan.

Kini  pinaagi    sa  programa  nga Gawad Saka  nga  gihatag  sa kagamhanan  sa nasud  atol  sa pagtak-op  sa ika-49  nga  Fish Conservation Week sa  miaging Oktubre 14 hangtod 19   ning tuiga  nga  may  tema  nga “Maunlad na Pangisdaan Makakamtan sa Matatag na Balikatan."  

Ang Bayawan C FARMC sa Negros Oriental  maoy  gideklarar nga Gawad Saka National Achiever.

Ang mga mananaog alang sa outstanding fisherfolk aquaculture mao si Natalio N. Baj, sa Garcia Hernandez, Bohol; Wilfredo Y. Pino  sa lungsod  sa Dalaguete , Cebu ,Juventud V. Chavez , sa Siaton Negros Oriental ug Randy E. Bacleon  sa Siquijor.

Alang sa outstanding fisherfolk ang mga mananaog naglangkob nila ni: Roger B. Navarro sa Balamban , Cebu; Willy M. Pineda sa syudad sa Bayawan, Negros Oriental ug Joven A. Gargar sa Siquijor, Siquijor.

Si Jesus V. Alolor sa Bantayan, Cebu ; Buenaventura Apostol sa Talibon Bohol; Vito E. Banlaygas sa Dauin Negros Oriental; ug Dominador Banlos sa Maria Siquijor   maoy gideklarar nga outstanding fish warden.

Ang gitumbok nga outstanding fisherfolk association mao ang Lambaklad Fisherfolk Association  sa Siaton ,Negros Oriental, Alejawan and Naatang Fishermen Association sa Jagna, Bohol; MRDA/MAFIA Fisherfolk Association , sa San Juan, Siquijor ug Sta. Monica Fisherfolk Association sa Dalaguete, Cebu .

Si Faith A. Napigkit sa Bayawan City Negros Oriental; Marlon Marande sa Bantayan , Cebu; Augustina Espera sa Tagbilaran, Bohol and Joseph Marijess Dondee Pactor of Siquijor, Siquijor maoy  giila   nga outstanding fishery technician.

Ang Outstanding M/C FARMC naglangkob sa; Dalaguete MFARMC,  sa Dalaguete, Cebu ; Dumiao MFARMC, sa Dimiao, Bohol; Guihulngan CFARMC, Guihulngan, City Negros Oriental; ug Lazi MFARMC sa Lazi, Siquijor.

Samtang ang gideklarar nga LGU nga nakahatag  og dakong suporta sa  programa ug proyekto sa pangisdaan mao ang: syudad sa Dumaguete sa  Negros Oriental; Jagna sa Bohol; syudad sa Talisay , Cebu ; ug  Siquijor.

Ang mga mananaog   nakadawat og plaque of recognition ug P80,000 nga cash isip project aid. (WC) (BANAT NEWS)