Hontiveros gituboy

CEBU, Philippines - Mipadayag og suporta ang mga urban poor, business ug labor sector kagahapon kang Risa Hontiveros, kinsa modagan pagka-senador sa sunod tuig. “Nakita namo nga si Risa makamaong mo-articulate sa urban poor. Ug tan-aw namo nga aduna siya’y genuine reforms alang sa urban poor. Ug naglaum kami nga ma-amend ang UDHA sa Congress to make it more responsive to the urban poor sector,” matud pa ni Councilor Alvin Dizon, chairman sa Council Committee for the Urban Poor. Si Rey Calooy, presidente sa Filipino-Cebuano Business Club,  naglaum  nga tabangan sila ni Hontiveros nga maamyenda ang Magna Carta for the Micro, Small and Medium Enterprises (MSMEs) nga tan-aw niya dili patas.

Si Mariter Gader, sa Alliance of Progressive Labor, sa iyang bahin nagtuong sa kabatan-on ug pagkatalentado ni Hontiveros, makatabang kini sa labor sector.

Ang maong mga grupo pormal nga milungsad kagahapon sa Risa Hontiveros for Senator Movement diha sa compound sa Panagtambayayong Foundation, Inc. sa barangay Sambag 1. (BANAT NEWS)