Blatche kumpirmadong lalaro para sa Nationals sa SEABA

MANILA, Philippines -  Kumpirmado na ang paglalaro ni naturalized player Andray Blatche para sa Gilas Pilipinas sa 12th Southeast Asia Basketball Association (SEABA) Men’s Championship sa Mayo 12-18 sa Smart Araneta Colise-um.

Ang dating player ng New Jersey Nets ay kasalukuyang nagpapahinga sa US ma-tapos igiya ang Xianjiang Flying Tigers sa korona ng Chinese Basketball Association.

Inaasahang darating sa Maynila si Blatche sa huling bahagi ng Abril para sumali sa ensa-yo ng Gilas Pilipinas ka-sama ang mga miyembro ng training pool na sina PBA three-time MVP June Mar Fajardo, Jayson Castro, Terrence Romeo, Calvin Abueva, Japeth Aguilar, Norbert Torres, LA Revilla, Jonathan Grey, Art dela Cruz, Bradwyn Guinto, Matthew Wright, Ed Daquioag, Mike Tolomia, Roger Pogoy, Carl Bryan Cruz, Kevin Ferrer, Jio Jalalon, Arnold Van Opstal, Von Pessumal at Al Gotladera.

Ang Final 12 na lalahok sa SEABA ay inaasahang papangalanan ni head coach Chot Reyes ilang linggo bago magsi-mula ang torneo.

Bukod sa Pilipinas sasali rin sa torneo ang Myanmar, Singapore, Malaysia, Thailand, Vietnam at Indonesia upang  pag-agawan ang slot para sa FIBA-Asia Cup na gagawin sa Beirut.

Maayos naman ang simula sa ensayo ng national team na sasabak din sa 2017 PBA All-Star Weekend laban sa Min-danao All-Star na gagawin sa Cagayan de Oro City sa Abril 26 at kontra sa Luzon All-Star sa Lucena City sa Abril 28 at katapat ang Visayas All-Star sa Cebu sa Abril 30.

“Most importantly, this is also going to be the basis of the final lineup for SEABA,” sabi ni Reyes.

Isa sa gagawing basehan sa final selection ang attendance ng mga pla-yers bawat ensayo.