Perpektong Mister sa Tingin ni Misis
Dear Vanezza,
Ilang buwan ko nang napapansin ang panlalamig ng aking mister sa akin. Habang tulog siya ay may nag-text na babae sa kanya. Nahuli ko na may ibang babae siya. Hindi na ako makatulog at iyak nang iyak sa sobrang sakit ng pambabae niya. Hindi ako makapaniwala na ipagpapalit niya ako sa ibang babae. Akala ko ay perfect ang aking mister at aming pamilya. Ako ang tagapayo sa mga kaibigan ko sa pangangaliwa ng kanilang asawa. Ngayon isa na rin akong biktima na naglolokong mister. Saan ba ako magsisimula? – Jane
Dear Jane,
Simulan mo ang hakbang sa pakikipag-usap sa iyong mister na buking mo na siya sa kanyang pangbabae. Pero huwag kang patalo at ipaglaban ang iyong karapatan bilang asawa. Ipaalam mo sa kanya kung gaano kasakit at pag-usapan kung saan nagsimula ang kanyang pagloloko. Saka ninyo bigyan ng solusyon ang problema. Huwag mong hayaan na manatili kang biktima, kundi bumangon bilang misis na hindi patatalo kahit kaninong babae.
Sumasainyo,
Vanezza
- Latest