Nagmahal, Nabigo, Nag-Fun Run Justice Run 2016 sa Oktubre 16
CEBU, Philippines - Sa labing unang higayon, ang University of the Visayas Gullas School of Law (UVGSL) Operation Team mopasiugda og lumba sa dagan sayo sa buntag sa Oktubre 16, 2016 diha sa Norkis Park, dakbayan sa Mandaue.
Pagaulohan og “Nagmahal, Nabigo, Nag-Fun Run JUSTICE RUN 2016”, ang unang fun run project sa UVGSL usa nila ka pagkampanya alang sa regionalization sa Bar Exams ug ingon man pagsuporta sa ilang 2016 Bar candidates.
Isip labing unang fun run project sa grupo, si UVGSL Dean Justice Portia Hermachuelos naglaum nga daghan ang mosalmot dili lang sa law school community.
Duha ka kategoriya ang mahimong pilian nga daganan sa mga partisipante ug kini mao ang 6K ug 2K.
Gawas sa ganting salapi, ang mga mananaog makadawat sab og medalya ug freebies.
Ang registration fee nagkantidad og P400 sa 6K, samtang ang 2K nagkantidad og P350, apil na niini ang duha ka oras nga zumbathon, race bibs, singlets, snack, finisher’s medal ingon man zumbathon special award.
Alang niadtong gustong modagan, mahimong moparehistro sa UVGSL office sa Colon, Cebu City, New Balance outlet (Ayala Center-Cebu), Planet Sports (Ayala Center-Cebu ug Tamiya, Lapu-Lapu City) The Athlete’s Foot (Ayala Center Cebu), Sports Warehouse-The Walk (IT Park ug J. Center Mall).
Alang sa dugang mga kasayoran, mahimong motawag ni Weng (0917-6226839) ug Kim (09332746035). (BANAT NEWS)
- Latest
