3 barangays matangtangan sa drug-cleared status
CEBU, Philippines - Hayan matangtangan sa ilang certificate ang tulo sa 120 ka barangay sa Probinsiya sa Sugbo nga unang gideklarar nga drug-cleared niadtong Abril.
Adunay siyam ka barangay nga nagpositibo ang mga drug surrenderers sa drug test nga gipadad-an na og notice sa Philippine Drug Enforcement Agency (PDEA) director nga maoy chairman sa oversight committee aron nga sulbaron ang maong isyu sulod sa 30 ka adlaw.
Apan sumala pa ni Yogi Filemon Ruiz, director sa PDEA-7, nga sa siyam ka barangay, tulo niini ang wala pa gihapon kadawat og report nga adunay gihimong intervention ang maong mga barangay hangtud karon.
"We have no choice but to remove their drug cleared status," matud ni Ruiz.
Hatagan pa nila hangtud sa Agosto 1 ang maong mga barangay aron nga sulbaron ang problema sa mga drug surrenderers nga nagpositibo sa ilegal nga drugas.
Matud ni Ruiz nga kung dili gihapon molihok ang maong barangay, mopasaka sila og kasong administratiba batok sa mga opisyal niini gikan sa kapitan hangtud konsehal.
"With that among i-act as committee para mag-file mi og administrative case against those barangay officials," matud ni Ruiz. Si Ruiz nipahimangno sab sa mga barangay nga walay gihimong action batok sa ilegal nga drugas sa ilang mga lugar.
“Once we get that directive (gikan sa chairman sa PDEA), file cases against those barangays nga wala gyud maghimo og steps for the drug-cleared status," matud ni Ruiz. (BANAT NEWS)
- Latest
