Pagpahigayon sa “Saulog sa Tagbilaran” mabulokon

CEBU, Philippines — Dili mominus sa 15 ka barangay sa Dakbayan sa Tagbilaran ang nagtigi alang sa Grand Street Dancing and Ritual Showdown Competition niadtong Miyerkules nga gipahigayon sa C.P.G Sports Complex subay sa kapistahan nga pahinungod kang St. Joseph the worker.

Ang mga barangay naglangkob sa Poblacion 2; Barangay Poblacion 1; Barangay Dao; Barangay Taloto; Barangay Manga; Barangay Cabawan; Barangay San Isidro; Barangay Ubujan; Barangay Tiptip.

Ang grand champion nakadawat ug P300 mil plus trophy; 1st runner up-250 mil plus trophy; 2nd Runner up-200 mil plus trophy; 3rd runner up-150mil plus trophy; consolacion-25mil pesos matag Contingent.

Ritual Showdown Champion-300mil plus trophy+ 1milyon worth of Barangay Project; 1st runner up-250mil plus trophy+500mil Barangay Project; 2nd Runner up-200mil, trophy+300mil project; 3rd runner up-150mil; 4th runner up-100mil; consolacion-P25mil.

Ang Best in Musicality ug Best in Choreography makadawat ug tag 20mil ka pesos matag usa.

Ang Ritual Showdown Champion mao ang barangay Poblacion 3, 1st Runner Up ang barangay Tiptip, 2nd Runner Up, barangay Cogon, 3rd Runner Up ang barangay Poblacion 2, 4th Runner Up, ang barangay Dampas.

Sa street dancing competition, ang champion mao ang barangay Poblacion 3, 1st Runner Up, barangay Cogon, 2nd Runner Up, barangay Tiptip, 3rd Runner Up barangay Poblacion 2, 4th Runner Up ang brgy Cabawan.

Ang Best in Musicality mao ang brgy Cogon, best in Choreography mao ang brgy Poblacion 3.

Si Department of Tourism Secretary Christina Garcia-Frasco kinsa maoy keynote speaker sa maong kalihukan mipadayag sa kalambuan sa Pilipinas sa natad sa turismo lakip na usab ang mga nakuha nga pasidungog ug ang dugang proyekto sa Bohol particular sa Tagbilaran City.

Samtang si Mayor Jane Yap, sa Tagbilaran City mapasalamaton sa kalampusan sa Saulog sa Tagbilaran ug nanghinaut sa mas malambuon pa nga kalihukan sunod tuig 2024.

Dili pa hinoon makapadayag si Yap kung moapil na ba sila sa Sinulog kay ilaha pa kini tan-awon pero ang mananaug nila karon kay maoy ilang paapilon sa Sandugo Festival. (BANAT NEWS)