“Pusher” nasipong sa kapolisan
CEBU, Philippines - Usa ka gikatahapang pusher ang nadakpan diha sa Tres Rosas, Alang-Alang, dakbayan sa Mandaue sa gihimong buy-bust operation sa miaging Martes sa gabii. Ang nadakpan mao si Vincent Delos Santos Satira, 40, nagpuyo sa maong dapit kinsa nasakmitan og usa ka paketeng shabu ug ang marked money nga P200 sa poseur buyer.
Si PO2 Manolito Daal sa kapolisan sa Presinto 1 sa Mandaue City Police Office (MCPO) miingon nga ang ilang hepe sa Presinto 1 nga si Chief Inspector Jimmy Aguisanda nakadawat og impormasyon kalabot sa kalihokan sa maong suspetsado hinungdan sa gihimong operasyon.
Dihang girekisa ang kalawasan sa maong dinakpan, nakuhaan kini og dugang usa ka pakete ug P300 nga salapi nga gituohan halin sa pagpamaligya niini.
Ang suspek gikatakdang kasohan og kalapasan sa Section 5 ubos sa Article II sa Republic Act 9165 o Comprehensive Dangerous Drug Act of 2002. (BANAT NEWS)
- Latest
