24-anyos timbog sa nakaw na P328K
MANILA, Philippines — Arestado ang isang 24-anyos na lalaki nang matunton ang mga tinangay na 6HP airconditioning unit, commercial kitchen equipments, at iba pa sa isang junk shop na nagkakahalaga ng P328,000.00 sa follow-up operation ng Marikina City Police Station, sa Barangay Parang, Marikina City, nitong Linggo.
Sa reklamo ng 69-anyos na negosyante, dakong alas-9:15 ng umaga ng Oktubre 4, nang magtungo siya sa kanyang establisyemento sa General Ordonez St. at natuklasang sira ang door knob.
Sa impormasyon ng driver ng side car ay natunton ang suspek at ang mga gamit sa isang junk shop, sa M.L. Quezon St., at nabawi ang isang 6HP air-conditioning unit na nagkakahalaga ng P188,000, mga gamit pang-commercial kitchen, point-of-sale peripherals, uninterrupted power supply, projector, radio system, at iba pa na aabot sa halagang P328,000.
Bigong narekober ang ibang gamit at patuloy ang imbestigasyon ng insidente.
- Latest
