Alupihan (189)
“Talaga yatang ganito ang dinaranas ng mga tao ngayong may pandemya Kuya – hindi makatulog,’’ sabi ni Hani kay Cris.
“May epekto nga kaya ang COVID, Hani sa sleeping pattern?’’
“Sabi po Kuya. ‘Yun pong kasamahan kong babae, hindi siya makatulog sa gabi at kung makatulog man ay maikli lang. Kaya nga lagi siyang inaantok sa office. Muntik nang mamemohan ng supervisor.’’
“Marami nang perwisyong ginagawa ang COVID ano Hani?’’
“Oo Kuya. Sana matapos na itong pandemic na ito.’’
“Kapag nagkaroon ng vaccine saka lamang magiging normal ang lahat.’’
“Magpapabakuna ka Kuya?’’
“Aba oo! Bakit ikaw, ayaw mong magpabakuna?’’
“E kasi Kuya parang minadali raw ang paggawa ng vaccine. Dapat daw taon ang binibilang bago iturok ‘yan.’’
“Noon ‘yun Hani na inaabot ng taon bago maibigay sa tao. Ngayon ay iba na. Moderno na at mabilis ang paggawa ng bakuna.’’
“Sabagay.’’
“Basta ako kapag sinabing puwede nang magpabakuna e magpapaturok ako agad. Mabuti nang may proteksiyon.’’
‘‘Mahal siguro ang bakuna ano Kuya?’’
“Pinakamura raw e 5 dollars.’’
“Aba okey yan Kuya. Bale P250 lang.’’
“Sana nga para ‘yung mga mahihirap ay mabakunahan din agad.’’
“Parang gusto ko nang magpabakuna Kuya.’’
“Akala ko ba e diskumpiyado ka?’’
“Hindi na Kuya. Sabay tayong magpabakuna ha Kuya?’’
“Oo.’’
Maya-maya, naghikab si Hani.
Kasunod ay naghikab din si Cris.
“Aba mahusay palang pampaantok ang pagkukuwentuhan. Inaantok na ako, Hani.’’
“Ako man Kuya.’’
“Sige matulog na tayo.’’
Kinabukasan ng gabi, dumating si Hani na pipilay-pilay.
Napansin iyon ni Cris.
“Bakit pilay ka yata, Hani? Masakit ba ang paa mo?’’
“Oo Kuya?’’
“Anong nangyari?’’
“Natapakan sa pakikipag-agawan na makasakay ng dyip.’’
Awang-awa si Cris kay Hani. (Itutuloy)
- Latest
